ມື້ນີ້ພວກເຮົາຈະມາແນະນຳວິທີການຫຼີ້ນເກມ Mobile legends ໃຫ້ເກັ່ງໆມາຝາກເປັນການລວບລວມເຄັດລັບ ແລະ ເທັກນິກທີ່ຈຳເປັນທີ່ຕ້ອງຮູ້ ແລະເພື່ອໃຫ້ທຸກຄົນທີ່ຫຼີ້ນ ຫຼີ້ນແບບເທບໆ ໝົດຄວາມເປັນ Noob ໄປໃນທັນທີ ດັ່ງນັ້ນຄວນສຶກສາກ່ອນທີ່ຈະລົງໄປຫຼີ້ນເປັນການດີທີ່ສຸດ ຢ່າລົງໄປຫຼີ້ນ ແລ້ວ ກາຍເປັນຕົວຖ່ວງຂອງທີມ ກາຍເປັນກາຝາກຂອງທີມ ເພາະແອັດມິນພົບເຫັນມາຫຼາຍຄົນແລ້ວ ພວກທີ່ຫຼີ້ນບໍ່ເປັນ ອ່ອນຫັດ ພວກທີ່ເລືອກນັກສູ້ບໍ່ເປັນ ແຖມຍັງເລືອກອາວຸດທີ່ບໍ່ເຂົ້າກັບ Hero ທີ່ກຳລັງໃຊ້ງານ ພໍລົງມາຫຼີ້ນ ກະຕ້ອງແພ້ ຖຶກຂ້າ ບໍ່ມັກ ບໍ່ຖຶກໃຈ ກະພິມດ່າ ແລ້ວກະໜີອອກຈາກເກມໄປ ປ່ອຍໃຫ້ຄົນໃນທີມເຂົາເດືອດຮ້ອນກັນທົ່ວໜ້າ ຫຼາຍຄົນອາດສິບໍ່ຄິດແນວໃດ໋ກັບການກະທຳແບບນີ້ ແຕ່ສຳລັບຜູ້ທີ່ຫຼີ້ນເກມນີ້ມາດົນ ຜູ້ທີ່ເຂົາເປັນມືໂປຼ ເຂົາຈະຮູ້ສຶກລັງກຽດ ແລະ ລຳຄານເປັນທີ່ສຸດ ເພາະຢ່າງທີ່ແອັດມິນບອກ ເກມນີ້ມັນເປັນເປັນເກມການດວນກັນຂອງເກມເມີ້ລະຫວ່າງປະເທດ ເພາະມີຜູ້ຫຼີ້ນເກມນີ້ທົ່ວທຸກມຸມໂລກ ຖ້າຫາກຄິດວ່າຕົວເອງຫຼີ້ນບໍ່ທັນເກັ່ງພໍ ກໍ່ຢ່າມາຫຼີ້ນໃນໂໝດລວມ ໃຫ້ເປັນຫຼີ້ນໃນໂໝດຕໍ່ສູ້ກັບ AI ຫຼື ສູ້ກັບຄອມໄປກ່ອນ ຝຶກໃຫ້ເກັ່ງ ແລ້ວຈັ່ງມາພໍ້ກັບຜູ້ຫຼີ້ນຕົວຈິງຈະດີກວ່າ
ຕໍ່ໄປແອັດຈະຂໍແນະນຳການຫຼີ້ນແບບເທບໆໃຫ້ຮູ້ຈັກກັນ
ເກມນີ້ຖ້າຄົນທີ່ເຄີຍຫຼີ້ນມາແລ້ວກະບໍ່ຕ້ອງທຳຄວາມເຂົ້າໃຈຫຍັງຫຼາຍ ແຕ່ຖ້າເປັນມືໃໝ່ ຫຼື ຜູ້ທີ່ຫຼີ້ນມາດົນ ແຕ່ບໍ່ທັນເຂົ້າໃຈວິທີຫຼີ້ນກໍ່ລອງສຶກສາເບີ່ງວ່າມັນມີວີທີການຫຼີ້ນແບບໃດ໋ ສຳລັບນັກສູ້ທີ່ແນະນຳສຳລັບມືໄໝ່ຫັດຫຼີ້ນ ຂໍແນະນຳ ນັກສູ້ Layla ຫຼື Miya ເພາະສອງຕົວນີ້ຍິງອາວຸດໄກ ປອດໄພ ມີສະກິລແບບເທບໆໃຫ້ໃຊ້
ວິທີການໃຊ້ kill ໃນເກມນີ້ສ່ວນໃຫຍ່ເກີດຈາກການໃຊ້ Combo skill ດັ່ງນັ້ນຕ້ອງຈັດລຽງລຳດັບການໃຊ້ໃຫ້ດີ ຖ້າໃຊ້ຜິດລຳດັບ ຫຼືຜິດເວລາ ກໍ່ໝົດສິດໄດ້ kill ອັນນີ້ສຳຄັນຫຼາຍ ຕ້ອງຈັດລຽງໃຫ້ຖຶກ ແລະ ອັບເກດໃຫ້ຖຶກລຳດັບນຳ
ການຂ້າມິນນ້ຽນ Minions ກໍມີຄວາມສຳຄັນເພາະທຸກຄັ້ງທີ່ຂ້າ ຈະມີເງິນໄປຊື້ໄອເທັມ ໃນການອັບເກດຕົວເອງໃຫ້ແຂງແກ່ນຂື້ນ ເຊັ່ນ ແລ່ນໄວຂື້ນ ໂຈມຕີໄດ້ໄວຂື້ນ ເລືອດຫຼາຍຂື້ນ ປະມານນີ້
( ແຕ່ກະມີຜູ້ຫຼີ້ນບາງຈຳນວນທີ່ເລືອກຊື້ໄອເທັມບໍ່ເຂົ້າກັບນັກສູ້ຂອງຕົວເອງ ເຊັ່ນ ໄອເທັມທີ່ເຂົາແນະນຳເພີ່ນພັດບໍ່ຊື້ເອົາ ໄປຊື້ເອົາໂຕທີ່ເຂົາບໍ່ແນະນຳ ອັນນີ້ກໍ່ເປັນສາເຫດເຮັດໃຫ້ຊ້າ ແລະ ພະລັງບໍ່ແຂງແກ່ນ ແອັດຂໍບອກເລີຍວ່າ ຄວນຈະຊື້ໄອເທັມທີ່ເຂົາແນະນຳເທົ່ານັ້ນເປັນການດີທີ່ສຸດ )
ດັ່ງນັ້ນຜູ້ຫຼີ້ນຢ່າຄິດວ່າການໄລ່ຂ້າຜູ້ອື່ນຈະເຮັດໃຫ້ພວກເຮົາເປັນຜູ້ຫຼີ້ນທີ່ເກັ່ງເພາະອັນທີ່ຈິງແລ້ວມັນພຽງແຕ່ເຮັດໃຫ້ເຈົ້າຮູ້ສຶກສະໃຈກໍ່ເທົ່ານັ້ນ ດັ່ງນັ້ນການຂ້າມິນນ້ຽນຈື່ງສຳຄັນທີ່ສຸດແກ່ຕົວເຮົາເອງ ແຕ່ກໍ່ຢ່າລືມຊ່ວຍໝູ່ໃນທີມນຳ ບໍ່ແມ່ນເອົາແຕ່ຂ້າມິນນ້ຽນຈົນລືມຊ່ວຍເພື່ອນໃນທີມເພາະຖ້າບໍ່ຊ່ວຍເພື່ອນກໍ່ໜ້າລັງກຽດທີ່ສຸດ ເຖິງວ່າເຮົາສິເກັ່ງ ເອົາຊະນະຜູ້ຫຼີ້ນຝ່າຍກົງກັນຂ້າມໄດ້ ແຕ່ທ່ານຄົນດຽວກໍ່ບໍ່ສາມາດເອົາຊະນະຜູ້ຫຼີ້ນຄົນອື່ນທັ້ງໝົດໃນເກມໄດ້ແນ່ນອນເພາະການຫຼີ້ນເກມນີ້ຕ້ອງຮູ້ຈັກຄຳວ່າ ສາມັກຄີຄືພະລັງ
ແອັດມິນເອງກໍ່ຫຼີ້ນມາເປັນເວລາດົນລະ ຊະນະໄດ້ MVP ກໍ່ປະມານ 15 ຄັ້ງ ເພາະຖ້າຖືຫຼັກການດັ່ງທີ່ວ່າ ມັນກໍ່ເຮັດໃຫ້ເຮົາມີໂອກາດຊະນະໄດ້ງ່າຍໆ ດັ່ງນັ້ນເຮົາຕ້ອງຮູ້ຈັກວີທີຕໍ່ໄປນີ້
- ຕ້ອງຮູ້ຈັກຄຳວ່າ ປອດແຫກ ຫຼີ້ນແບບປອດແຫກໄປກ່ອນ ຢ່າຟ້າວຫ້າວຕັ້ງແຕ່ເລເວລ1 - 4 ເພາະແນວໃດ໋ເຮົາກໍ່ຂ້າຝ່າຍກົງກັນຂ້າມບໍ່ໄດ້ແນ່ນອນ ນອກຈາກຝ່າຍກົງກັນຂ້າມມັນຈະເປັນມືໄໝ່ ແລະ ໂງ່ ແລ່ນຕາມເຮົາມາທີ່ປ້ອມປືນ ຈົນເຮົາກັບປ້ອມສອຍມັນຈົນຕາຍ ແຕ່ຄວາມເປັນຈິງມັນກະມີນ້ອຍຫຼາຍທີ່ຈະເກີດແບບນີ້ ດັ່ງນັ້ນຂໍບອກໄວ້ເລີຍວ່າ ຕ້ອງປອດແຫກ ສະສົມເງິນ ແລະ ເກັບເລເວລໄປກ່ອນ ເພື່ອໃຫ້ໄດ້ທັ້ງ 3 ສະກິລ ແລ້ວຄ່ອຍເລີ່ມໄລ່ kill
- ຕ້ອງຮູ້ວ່າຕົວເອງຫຼີ້ນຫຍັງ ຫຼີ້ນໃຫ້ກົງກັບແນວທາງ ເຊັ່ນ ຖ້າຫຼີ້ນສາຍ Marksman ຫຼື ຊຸ້ມຍິງ ກໍ່ຕ້ອງຢູ່ແນວຫຼັງບໍ່ແມ່ນໄປຢູ່ກາງວົງທີ່ເຂົາກຳລັງປະທະກັນຢູ່ ຖ້າຫຼີ້ນແບບນີ້ຮັບຮອງວ່າຕາຍລູກດຽວ ສະນັ້ນຕ້ອງຫຼີ້ນໃຫ້ຖຶກສາຍ ຫຼື ຖ້າຫຼີ້ນຕົວ ແທ້ງ ຕົວຊົນແຖວໜ້າ ແຕ່ເສືອກປອດແຫກ ບໍ່ກ້າແລ່ນໄປເປີດ ແບບນີ້ກໍ່ບໍ່ໄຫວ ດັ່ງນັ້ນຖາມຕົວເອງກ່ອນວ່າ ມັກສາຍໃດ໋
- ເລືອກຮີ່ໂລ້ໃຫ້ເໝາະກັບສະຕາຍການຫຼີ້ນຂອງເຮົາເອງ ເຊີ່ງຮີ່ໂລ້ແຕ່ລະຕົວຈະມີຟີ ແລະ ຊື້ມາ ຖ້າຢາກໄດ້ກໍ່ສະສົມແຕ້ໃນເວລາຕໍ່ສູ້ມາຊື້ເອົາຕົວທີ່ມັນຄັກໆ
- ຕ້ອງດັນປ້ອມ ເກມນີ້ມືໃໝ່ທີ່ພວມຫຼີ້ນເປັນຈະເລີ່ມສັບສົນບໍ່ຮູ້ວ່າຕົວເອງຫຼີ້ນແບບໃດ໋ ມ່ວນກັບການໄປສູ້ ແລະ ໄປໄລ່ຂ້າຝ່າຍກົງກັນຂ້າມ ຈົນລືມໄປວ່າເກນນີ້ເຂົາວັດກັນທີ່ການແພ້ຊະນະ ແລະ ການທຳລາຍຖານແມ່ຂອງອີກຝ່າຍ ດັ່ງນັ້ນຄວນພະຍາຍາມດັນປ້ອມອີກຝ່າຍໃຫ້ແຕກຫຼາຍທີ່ສຸດເທົ່າທີ່ຈະເຮັດໄດ້ ເພື່ອທີ່ເຮົາຈະມີໂອການດັນປ້ອມໃນສຸດໃຫ້ແຕກ ແລ້ວປ່ອຍ ຊຸບເປີ້ມິນນ້ຽນທີ່ແຂງແກ່ນຂ້ອງເຮົາອອກໄປສູ້ ວິທີການດັນປ້ອມໃຫ້ແຕກຄື ພາຍຫຼັງທີ່ພວກມິນນ້ຽນເຂົ້າໄປຕີກ່ອນແລ້ວເຮົາຈື່ງຕາມເຂົ້າໄປນຳຫຼັງຫ້າມເຂົ້າໄປກ່ອນ ເພາະ ຖ້າເຮົາເຂົ້າໄປກ່ອນເຮົາຈະເປັນເປົ້າໂຈມຕີຈາກປ້ອມຂອງອີກຝ່າຍທັນທີ ດັ່ງນັ້ນຕ້ອງເຂົ້າໄປຕາມຫຼັງ ແລະ ຄອຍສັງເກດມິນນ້ຽນຂອງຝ່າຍເຮົາ ຖ້າໃກ້ຈະຕາຍແລ້ວໃຫ້ເຮົາຟ້າວອອກມາຈາກລັດສະໝີວົງລ້ອມຂອງປ້ອມອີກຝ່າຍທັນທີ ຖ້າຫາກເຮົາຍັງຂືນສູ້ຕໍ່ໄປ ເຮົາກໍ່ຕາຍໄປຊື່ໆ ເພາະປືນປ້ອມຂອງອີກຝ່າຍມັນຍິງແຮງທີສຸດ ບໍ່ເກີນ 3 ຫາ 4 ຄັ້ງເຮົາກໍ່ຕາຍ
- ຕ້ອງຮູ້ຈັກແຜນທີ່ເປັນຢ່າງດີ ໃນການຫຼີ້ນທຸກຄັ້ງຕ້ອງທຳຄວາມເຂົ້າໃຈກັບແຜນທີ່ ຕ້ອງຄຸ້ນເຄີຍກັບແຜນທີ່ໃຫ້ໄດ້ດີທີ່ສຸດ ບໍ່ແມ່ນວ່າ ມົວແຕ່ຫຼີ້ນຈົນລືມສັງເກດແຜນທີ່ ຕ້ອງສັງເກດເບີ່ງວ່າມີຊ່ອງທາງໃດ ແລະ ຈະແລ່ນໄປທາງໃດໃຫ້ໄວທີສຸດ ແລະຕ້ອງສັງເກດແຜນທີ່ຕະຫຼອດເວລາເພື່ອທີ່ຈະປະເມີນວ່າຝ່າຍເຮົາແລະອີກຝ່າຍຢູ່ສ່ວນໃດຂອງເກມເພື່ອທີ່ເຮົາຈະໄດ້ປັບປ່ຽນວີທີການຫຼີ້ນໄດ້ທັນກັບສະຖານະການ
- ຕ້ອງຮູ້ຈັກຫຼົບລີ້ຕາມພຸ່ມໄມ້ ເພາະເກມນີ້ສາມາດຫຼົບລີ້ຕາມພຸ່ມໄມ້ໄດ້ ໂດຍສະເພາະຜູ້ທີ່ຫຼີ້ນສາຍນັກຂ້າ ຕ້ອງຮີບຟ້າວໄປແອບລີ້ ເພື່ອທີ່ຈະໄດ້ເພີ່ມ kill ໄດ້ໄວ ແຕ່ກະຢ່າລືມວ່າ ເຮົາແຂງແກ່ນສ່ຳໃດ໋ແລ້ວ ບໍ່ແມ່ນວ່າ ສາຍນັກຂ້າ ສິຖ້າແຕ່ຂ້າ ສັດຕູມາສອງຄົນເຮົາຜູ້ດຽວກະຂ້າເຂົາບໍ່ໄດ້ເຊັ່ນກັນ
- ຕ້ອງຢ້ານປ້ອມ ແມ່ນຢູ່ວ່າເຮົາຕ້ອງດັນປ້ອມໃຫ້ແຕກໄດ້ຫຼາຍ ແລ້ວໄວ ແຕ່ຂະນະດຽວກັນຕ້ອງເຂົ້າໃຈວ່າປ້ອມນີ້ມັນຍິງແຮງທີສຸດ ດັ່ງນັ້ນເວລາປະທະກັບອີກຝ່າຍ ຜູ້ຫຼີ້ນມັກຈະລວງໃຫ້ເຮົາໄປຕີກັນໃກ້ໆກັບປ້ອມຂອງເຂົາ ເພາະປ້ອມຂອງເຂົາຍິງແຮງ ແລະ ມັນກໍ່ຊ່ວຍທຸ່ນແຮງຂ້າຂອງອີກຝ່າຍໄດ້ ເຊັ່ງດຽວກັນ ຖ້າເຮົາລວງອີກຝ່າຍມາປະທະກັນໃກ້ກັບປ້ອມເຮົາ ແລ້ວລຸມຕີອີກຝ່າຍ
( ເອີ້ນງ່າຍໆວ່າ ກິນຊຸມ ) ໂອກາດທີ່ເຮົາຈະເກັບ kill ກໍ່ເພີ່ມຂື້ນ
- - ຕ້ອງບໍ່ຕາຍ ອັນນີ້ກໍ່ສຳມະຄັນ ຫ້າມຕາຍ ຫຼື ຕາຍໃຫ້ນ້ອຍທີ່ສຸດ ເພາະທຸກຄັ້ງທີ່ຕາຍ ເຮົາຈະເສຍເວລາ ແລະ ເລເວລຈະຕາມຫຼັງຄົນອື່ນ ຕາມຈຳນວນວິນາທີທີ່ກຳລັງເກີດໄໝ່ ດັ່ງນັ້ນທາງທີ່ດີທີ່ສຸດຕ້ອງຫ້າມຕາຍ ແຕ່ກະຕ້ອງເພີ່ງພາເທັກນິກອື່ນໆ ທີ່ແນະນຳມາ ເຊັ່ນວ່າ ປອດແຫກໄປກ່ອນ
- ຕ້ອງຮູ້ຈັກທີ່ຈະຊ່ວຍເພື່ອນ ອັນນີ້ກະສຳມະຄັນ ຖ້າເພື່ອນບ້າໆ ກະຢ່າໄປຊ່ວຍມັນ ປ່ອຍໃຫ້ມັກຖຶກຂ້າຕາຍສະ ພວກນີ້ຊ່ວຍໄປກະບໍ່ມີປະໂຫຍດ ຫາມີຫຍັງດີຂື້ນມາ ແຕ່ຖ້າສຶກສາວິທີນີ້ຈົບໄປທ່ານຈະບໍ່ແມ່ນຜູ້ຫຼີ້ນທີ່ noob ອີກຕໍ່ໄປ ດັ່ງນັ້ນຕ້ອງຫຼີ້ນໄປຕາມສະເຕັບ ຮູ້ວ່າຄວນຈະໄປທາງໃດ ແລະ ເວລາໃດຕ້ອງຊ່ວຍເພື່ອນ ເວົ້າພາສາພື້ນບ້ານກະ ໝາໝູ່ ຖ້າໄປແບບດ່ຽວໆຍາກທີ່ຈະລອດ ຖ້າໄປພໍ້ຝ່າຍທີ່ເຂົາມາ 2 ຄົນ ແນ່ນອນທ່ານຕ້ອງຂ້າໄດ້ແຕ່ພຽງຄົນດຽວບໍ່ສາມາດຂ້າໄດ້ໝົດສອງແລະຂະນະດຽວກັນອີກຝ່າຍມັນສິຖ້າເຈົ້າຂ້າມັນຕີ ມັນກະຕ້ອງຂ້າເຈົ້າແນ່ນອນ
- ຕ້ອງຮູ້ຈັກຈັບຄູ່ໃຫ້ຖຶກຕ້ອງເພື່ອທີ່ຈະສະໜັບສະໜູນກັນຂ້າອີກຝ່າຍເຊັ່ນວ່າ ສາຍແທ້ງ ຄູ່ກັບ ສາຍິງໄກ ຫຼື ສາຍແທ້ງ ຄູ່ກັບ ສາຍນັກຂ້າ ປະມານນີ້
- ຕ້ອງປະຫຍັດມານາ ແລະ ຄຳນວນໃຫ້ດີວ່າຈະໃຊ້ຕອນໃດ່ ຢ່າໃຊ້ສຸລຸ້ຍສຸລ່າຍ ໂດຍບໍ່ຈຳເປັນ ແອັດມິນເຫັນມາຫຼາຍແລ້ວພວກນີ້ ພວກຫຼີ້ນແບບ noob ສ່ວນໃຫຍ່ຈະໃຊ້ສະກິລກັບມິນນ້ຽນ ຖາມແນ່ ໄປໃຊ້ເຮັດຫຍັງກັບພວກມິນນ້ຽນມັນບໍ່ສາມາດຂ້າເຮົາໄດ້ດອກ ເຮົາຍິງມັນ 3 - 4 ບາດມັນກະຕາຍແລ້ວ ຂະໜາດເລືອດພະລັງເຮົາຍັງນ້ອຍດຽວຍັງສາມາດຂ້າມັນໄດ້
-ຕ້ອງຮູ້ຈັກອັບເກດ Emblem ອັນນີ້ສຳຄັນເພາະຈະເຮັດໃຫ້ຄ່າ Stat ຕ່າງໆ ຂອງຕົວຜູ້ຫຼີ້ນສູງຂຶ້ນ ສົ່ງຜົນໃຫ້ຜູ້ຫຼີ້ນມີຄວາມເກັ່ງຫຼາຍຂື້ນ ຕັ້ງແຕ່ຕົ້ນເກມ ເອີ້ນໄດ້ວ່າ ຊິງຄວາມໄດ້ປຽບຕັ້ງແຕ່ບໍ່ທັນຫຼີ້ນກະເປັນໄດ້
ເທັນນິກທີ່ແອັດມິນນຳມາບອກອາດຈະຍາວໄປແນ່ ແຕ່ກະແນະນຳໃຫ້ຜູ້ທີ່ຫຼີ້ນເກມນີ້ອ່ານ ແລະ ທຳຄວາມເຂົ້າໃຈ ເຮົາຕ້ອງເຂົ້າໃຈພື້ນຖານ ການເອົາຕົວລອດໃນສະໜາມຮົບ.
ຕິດຕາມຂໍ້ມູນເພີ່ມເຕີມເພື່ອບໍ່ພາດທຸກຂ່າວສານຕ່າງໆໄດ້ທີ່:
Facebook.com/TODAY News
Facebook.com/ກະດານດຳ
ສົນໃຈເປັນສາມາຊິກຂອງພວກເຮົາແອັດໄປໄດ້ທີ່ ID line : @fbj7639k ( ກະລຸນາຕື່ມ @ໃສ່ທາງໜ້າ)
ความคิดเห็น
แสดงความคิดเห็น