ປະໂຫຍດແລະໂທດຈາກການກິນເຜັດ
ອາຫານເຜັດເປັນລົດຊາດທີ່ຢູ່ຄູ່ກັບຄົນລາວມາດົນນານ ແລະ ເກືອບທຸກພາກຂອງລາວຈະມີອາຫານລົດຊາດເຜັດຮ້ອນແຕກຕ່າງກັນໄປ ເຊີ່ງອາຫານລົດຊາດເຜັດນີ້ແມ່ນຈະໄດ້ມາຈາກໝາກພິກໃນສ່ວນບໍລິເວນກ້ານເຊີ່ງມີຄວາມເຜັດຫຼາຍກວ່າສ່ວນອື່ນໆ ສ່ວນເປືອກ ແລະ ເມັດຂອງໝາກພິກ ຈະມີສານເຜັດນ້ອຍລົງມາຈາກກ້ານຫຼືຫົວພິກ ເຮົາມາເບີ່ງກັນວ່າ ສານເຜັດຂອງໝາກພິກນີ້ໃຫ້ປະໂຫຍດແລະໂທດແນວໃດຕໍ່ກັບຮ່າງກາຍຂອງເຮົາ
- ປະໂຫຍດຈາກການກິນເຜັດ
- ຊ່ວຍລະບົບເຜົາຜານໃນຮ່າງກາຍ ເພາະລົດຊາດເຜັດຮ້ອນຂອງພິກຈະເຮັດໃຫ້ເຮົາຫຼັ່ງເຫື່ອອອກມາຄາຍຄວາມຮ້ອນຫຼືຄວາມເຜັດ ເຫັນໄດ້ວ່າບາງຄົນເມື່ອກິນເຜັດຈະມີເຫື່ອອອກຫຼາຍ
- ຊ່ວຍລະບົບທາງເດີນຫາຍໃຈ ຊ່ວງທີ່ເປັນຫວັດ ກໍ່ໄດ້ອາຫານລົດຊາດເຜັດຮ້ອນນີ້ແຫຼະທີ່ຊ່ວຍໃຫ້ລະບົບທາງເດີນຫາຍໃຈຂອງເຮົາໂລ່ງຂື້ນ ເພາະສານ ແຄັບໄຊຊິນທີ່ຢູ່ໃນພິກນີ້ທີ່ຊ່ວຍລົດນ້ຳມູກແລະສານທີ່ຂວາງທາງເດີນຫາຍໃຈຂອງເຮົາ
- ຊ່ວຍລົດຄວາມສ່ຽງໃນການເກີດເປັນໂຣກມະເຣັງໄດ້ ໃນພິກມີວິຕາມິນຊີເປັນຈຳນວນຫຼາຍ ແລະ ການກິນວິຕາມິນຊີຫຼາຍໆກໍ່ຊ່ວຍໃນການປ້ອງກັນການເກີດມະເຣັງ ເພາະວິຕາມິນຊີຊ່ວຍຢັບຢັ້ງການສ້າງສານ ໄຕຊາມິນ ເຊີ່ງເປັນສານກໍ່ເກີດມະເຣັງ
- ຊ່ວຍລົດຄວາມເຈັບປວດ ຈາກການປວດແຂ້ວ ຈາກການເຈັບຄໍ ແລະ ສານ ແຄັບໄຊຊິນ ຍັງຖືກນຳໄປເປັນສ່ວນຜະສົມຂອງຂີ້ເຜິ້ງ ເພື່ອໃຊ້ສຳລັບບັນເທົາອາການປວດແລະຄັນໄດ້
- ຊ່ວຍລົດອາການອຸດຕັນຂອງເສັ້ນເລືອດ ເພາະຄວາມເຜັດຮ້ອນຈະເຮັດໃຫ້ລະບົບໂລຫິດໄຫຼວຽນດີຂື້ນແລະຊ່ວຍລົດຄວາມດັນອີກດ້ວຍ
- ຊ່ວຍໃຫ້ຮູ້ສຶກສົດຊື່ນ ຜົນຈາກການຮັບສານ ແຄັບໄຊຊິນໃນໝາກພິກ ເຮັດໃຫ້ຮ່າງການຫຼັ່ງເຫື່ອ ແລະ ຊ່ວຍໃຫ້ຮ່າງກາຍຜະລິດສານເອັນດໍຟິນ
ແຕ່ການກິນເຜັດຫຼາຍຈົນເກີນໄປ ກໍ່ບໍ່ເປັນຜົນດີແກ່ຮ່າງກາຍ ລອງມາເບີ່ງກັນວ່າການກິນອາຫານເຜັດເລື້ອຍໆ ຫຼື ກິນເຜັດເກີນຂະໜາດ ມັນຈະສົ່ງຜົນເສີຍແນວໃດຕໍ່ຮ່າງກາຍ
- ໂທດຈາກການກິນເຜັດ
- ໂຣກຫົວໃຈ ລົດຊາດເຜັດຈະຊ່ວຍໃຫ້ລະບົບໄຫຼວຽນໂລຫິດໃນຮ່າງກາຍທຳງານຫຼາຍຂື້ນ ແລະ ມີຜົນໃຫ້ຫົວໃຈທຳງານໜັກຫຼາຍຂື້ນ ເຮັດໃຫ້ເພີ່ມຄວາມສ່ຽງຕໍ່ການເປັນໂຣກຫົວໃຈ
- ໂຣກທາງເດີນກະເພາະອາຫານ ເມື່ອກິນອາຫານລົດຈັດເຜັດເຂົ້າໄປ ຈະເກີດກົດໃນກະເພາະອາຫານ ຖ້າກົດຫຼາຍເກີນໄປຈະເຮັດໃຫ້ທ້ອງອືດ ແສບທ້ອງ ປວດທ້ອງ
- ໂຣກອ້ວນ ເພາະລົດຊາດເຜັດຈະຊ່ວຍໃຫ້ເຮົາຈະເລີນອາຫານໄດ້ດີ ເຮັດໃຫ້ກິນອາຫານໄດ້ຫຼາຍຂື້ນ ເຮັດໃຫ້ເກີດໂຣກອ້ວນຕາມມາ
- ແສບຮ້ອນ ເພາະພິກມີສານແຄັບໄຊຊິນ ເຊີ່ງທຳປະຕິກິລິຍາກັບຮ່າງກາຍຂອງເຮົາ ຖ້າລະອອງພິກເຂົ້າດວງຕາ ຫຼື ສຳຜັດກັບຮ່າງກາຍຂອງເຮົາ ອາດຈະເຮັດໃຫ້ເຮົາແສບຕາ ຫຼື ແສບຮ້ອນ ບໍລິເວນທີ່ຖຶກລະອອງພິກ
ເຖິງໃນໃດ໋ກໍ່ຕາມບໍ່ວ່າທ່ານໃດຈະມັກກິນເຜັດເປັນຊີວິດຈິດໃຈ ຫຼື ບໍ່ມັກກິນເຜັດກໍ່ຕາມ ກໍ່ຄວນເລືອກກິນໃຫ້ພໍດີ ເໝາະຕໍ່ຄວາມຕ້ອງການຂອງຮ່າງກາຍຈະເປັນການດີທີ່ສຸດ ດ້ວຍຄວາມປາດຖະໜາດີຈາກພວກເຮົາ TODAY News
ສາມາດຕິດຕາມຂ່າວສານເພີ່ມເຕີມໄດ້ທີ່
FACEBOOK FANPAGE : TODAY News
FACEBOOK FANPAGE : ກະດານດຳ
ความคิดเห็น
แสดงความคิดเห็น