ເນື່ອງຈາກວັນທີ 26/08/2560 ເວລາປະມານ 09:53 - 13:28 ເຄືອຂ່າຍສັນຍານບີລາຍເກີດມີການຂັດຂ້ອງໂດຍຜນທີ່ເກີດຂື້ນເຮັດໃຫ້ລູກຄ້າບໍ່ສາມາດນຳໃຊ້ສັນຍານອິນເຕີເນັດ ແລະ ບໍ່ສາມາດໂທອອກໂທເຂົ້າໄດ້ ເຮັດໃຫ້ລູກຄ້າຕ່າງບໍ່ພໍໃຈຕໍ່ກັບການໃຫ້ບໍລິການສັນຍານເປັນຈຳນວນຫຼວງຫຼາຍ ແລະ ມີສຽງວິພາກວິຈານກັນ ອີກຢ່າງບາງຄັ້ງສັນຍານກໍ່ມີການຊັກຊ້າ ເຊີ່ງບັນຫາເຫຼົ່ານີ້ມັກຈະເກີດຂື້ນເລື້ອຍໆ ແຕ່ທາງຜູ້ໃຫ້ບໍ່ລິການກໍ່ບໍ່ເຫັອອກມາຊີ້ແຈງຕໍ່ເຫດທີ່ເກີດຂື້ນແມ້ແຕ່ງຢ່າງໃດເລີຍ ຖ້າຫາກວ່າມີການປັບປຸງສັນຍານຫຼືສີ່ງໃດທີ່ສົ່ງຜົນຕໍ່ການນຳໃຊ້ຂອງລູກຄ້າ ເຫດໃດທາງຜູ້ໃຫ້ບໍລິການຈື່ງບໍ່ມີການແຈ້ງເຕືອນກ່ອນລ່ວງໜ້າ ດັ່ງນັ້ນທາງທີມງານເຮົາເອງກໍ່ໄດ້ເປັນລູກຄ້າຂອງ ບີລາຍ ແລະຈະຂໍເປັນຕົວແທນກະບອກສຽງຂອງລູກຄ້າທີ່ສະເໜີໃຫ້ເຄືອຂ່າຍສັນຍານບີລາຍ ອອກມາຮັບຜິດຊອບຊີ້ແຈງຕໍ່ເຫດການຂັດຂ້ອງຂອງສັນຍານໃນມື້ນີ້ ແລະ ຂໍໃຫ້ມີການຮັບຜິດຊອບຢ່າງເປັນທຳຕໍ່ຜູ້ໃຊ້ບໍລິການ ເຊີ່ງການຂັດຂ້ອງແມ່ນມັກຈະເກີດຂື້ນເລື້ອຍໆ
ອີກປະເດັນກໍ່ຄື ມີລູກຄ້າທີ່ໃຊ້ບໍລິການຫຼາຍຄົນກໍ່ໃຫ້ຄຳຄິດຄຳເຫັນມາວ່າ ສັນຍານທີ່ໃຫ້ບໍລິການທຸກວັນນີ້ ແມ່ນ 3G ຫຼື 2G ກັນແທ້ ເນື່ອງຈາກສັນຍານຈະມັກຂື້ນເປັນຕົວ E
ດັ່ງນັ້ນຂໍໃຫ້ທາງຜູ້ໃຫ້ບໍລິການ ອອກມາຊີ້ແຈງ ແລະ ຮັບຜິດຊອບຕໍ່ສີ່ງທີ່ເກີດຂື້ນດ້ວຍ!!!
ความคิดเห็น
แสดงความคิดเห็น